लिंगाष्टकम्
ब्रह्ममुरारि-सुरार्चितलिङ्ग निर्मल भासित- शोभित-लिङ्गम्।
जन्मज-दुःखविनाशक-लिङ्गं तत्प्रणमामि सदाशिवलिङ्गम्।।1।।
देवमुनि-प्रवरार्चित लिङ्गं कामदहं करुणाकरलिङ्गम्।
रावणदर्प-विनाशन-लिङ्गं तत्प्रणमामि सदाशिवलिङ्गम् ।।2।।
सर्वसुगन्धिसुलेपितलिङ्ग बुद्धिविवर्धन-कारणलिङ्गम्।
सिद्ध-सुरा-ऽसुरवन्दितलिङ्गं तत्प्रणमामि सदाशिवलिङ्गम्॥3॥
कनक महामणि- भूषितलिङ्ग फणिपति-वेष्टित-शोधितलिङ्गम्।
दक्षसुयज्ञ-विनाशकलिङ्गं तत्प्रणमामि सदाशिवलिङ्गम्॥4॥
कुंकुम-चन्दनलेपितलिङ्ग पंकजहार-सुशोभितलिङ्गम्।
सञ्चित-पाप-विनाशनलिङ्गं तत्प्रणमामि सदाशिवलिङ्गम्॥5॥
देवगणार्चित-सेवितलिङ्गं भावैर्भक्तिभिरेव च लिङ्गम्।
दिनकरकोटि-प्रभाकरलिङ्गं तत्प्रणमामि सदाशिवलिङ्गम्॥6॥
अष्टलोपरि-वेष्टितलिङ्ग सर्वसमुद्भव कारणलिङ्गम्।
अष्टदरिद्र-विनाशितलिङ्गं तत्प्रणमामि सदाशिवलिङ्गम्॥7॥
सुरगुरु-सुरवर-पूजितलिङ्ग सुरवनपुष्प सदार्चितलिङ्गम्।
परात्परं परमात्मकलिङ्गं तत्प्रणमामि सदाशिवलिङ्गम् ॥8॥
लिङ्गाष्टकमिदं पुण्यं यः पठेच्छिवसन्निधौ ।
शिवलोकमवाप्नोति शिवेन सह मोदते ॥१॥
इति श्रीलिङ्गाष्टकस्तोत्रं सम्पूर्णम्